سه شنبه, ۶ عقرب ۱۳۹۹

در راستای همگرایی منطقه‌ای

1399071310414043721359544

رحمن نگران امنیت مرز با افغانستان است

۱۳ میزان ۱۳۹۹

رییس‌جمهور تاجیکستان در دیدار با نماینده ویژه امریکا برای صلح افغانستان از وضعیت امنیتی مرز مشترک با افغانستان ابراز نگرانی کرد.

خبرگزاری کشور به نقل از تسنیم گزارش داده است که زلمی خلیل‌زاد نماینده ویژه امریکا در امور صلح افغانستان پس از دیدار با تیم‌های مذاکره‌کننده دولت افغانستان و طالبان در قطر، وارد دوشنبه شد و با «امام علی رحمان» رییس‌جمهور تاجیکستان و شماری دیگر از مقامات این کشور دیدار کرد.

رحمان در این دیدار به خلیل‌زاد گفته است که تاجیکستان خواستار تامین صلح در افغانستان است و آماده همکاری در این زمینه می‌باشد، اما نسبت به وضعیت امنیتی مرز مشترک با افغانستان ابراز نگران است.

«رمضان رحیم‌زاده» وزیر کشور تاجیکستان نیز در دیدار با نماینده ویژه امریکا درباره وضعیت مناطق مرزی، مبارزه با تروریسم، افراط‌گرایی، قاچاق موادمخدر و برخی مسائل مرتبط دیگر گفت‌وگو کردند.

براساس بیانیه منتشر شده توسط وزارت کشور تاجیکستان، در این دیدار همچنین تاکید شد که تنها تعامل مشترک و جمعی نهادهای اجرای قانون می‌توانند در مبارزه با تهدیدها و چالش‌های دنیای مدرن موثر باشد.

پیش از این نیز تاجیکستان و روسیه بارها نسبت به گسترش ناامنی‌های افغانستان به این تاجیکستان و دیگر کشورهای آسیای مرکزی ابراز نگرانی کرده بودند.

گفتنی است که روسیه همواره امریکا را متهم کرده که با استفاده از مرزهای مشترک افغانستان به دنبال صدور تروریزم به کشورهای آسیای مرکزی است تا از این طریق مرزهای روسیه را ناامن کند.

پروسه صلح,تاجیکستان,خبرگزاری کشور,روند صلح افغانستان,رییس جمهور تاجیکستان,زلمی خلیلزاد,فرستاده ویژه امریکا,کشونیوز