رییس‌جمهور غنی در رأس هیأت بلندپایۀ دولتی به بامیان رفت. آقای غنی با حضور معاونان ریاست جمهوری و مسوولان ارشد امنیتی، اوضاع بامیان و ولایات همجوار را بررسی می‌کند.

دفتر معاونیت دوم ریاست جمهوری گفت که در این سفر جلسه فوق العاده امنیتی به رهبری رئیس جمهور با حضور معاونین ریاست جمهوری، مقامات عالیرتبه حکومتی و مسئولین ولایت بامیان برگزار است.

هیأت عالیرتبه حکومت، ضمن اشتراک در مجلس بزرگ مردمی، از پیشرفت کار احداث سرک یکاولنگ – دره صوف، ساحات باستانی – توریستی ولایت بامیان نیز دیدن خواهند کرد.

بامیان از ولایات آرام در مرکز افغانستان است. اما در ماه‌های پسین نگرانی‌هایی دربارۀ نفوذ طالبان در این ولایت به وجود آمده است.

 راه‌های منتهی به بامیان از سال‌ها بدین سو ناامن است.