عبدالله عبدالله رییس شورای عالی مصالحه ملی روز دوشنبه هفتۀ جاری به دوشنبه پایتخت تاجیکستان می‌رود.

یه گزارش خبرگزاری کشور، یک منبع در شورای عالی مصالحه ملی گفت که این سفر در سلسلۀ سفرهای منطقه‌یی رییس شورای عالی مصالحه انجام می‌شود.

به گفتۀ منبع، رییس شورای عالی مصالحه در جریان سفر به دوشنبه با سران تاجیکستان از جمله رییس جمهور، صدراعظم، وزیر خارجه، رییس مجلس نمایندگان و رییس مجلس ملی تاجیکستان دیدار می‌کند.

به گفتۀ منبع، تاجیکستان از کشورهایی است که به گونۀ مستقیم از جنگ و صلح افغانستان متأثر می‌باشد و تاکنون از روند صلح افغانستان حمایت کرده است.

پیش از این، عبدالله عبدالله از کشورهای پاکستان، ایران، هند، ازبکستان و ترکیه دیدار داشته است.

 این دیدارها به هدف جلب حمایت کشورهای منطقه از روند صلح افغانستان انجام شده است.