صلاح‌الدین ربانی وزیر امور خارجه کشور پیش از آغاز نخستین گفتمان هند و آسیای میانه با عبدالعزیز کاملوف وزیر امور خارجه جمهوری اوزبیکستان ملاقات کرد.
نخست، آقای ربانی از تلاش‌های اوزبیکستان به‌خاطر صلح در افغانستان سپاسگزاری کرد، و ابتکار رییس‌جمهوری اوزبیکستان برای برگزاری نشست تاشکند برای صلح را برجسته خواند.
وزیر خارجه اوزبیکستان نیز اجماع منطقه‌ای برای صلح در افغانستان را در حال گسترش دانسته، بر پشتیبانی کشورش از تلاش‌های منطقه‌ا‌ی و جهانی به خاطر ثبات در افغانستان تأکید نمود. او بر حل مشکل افغانستان از طریق گفت‌وگوهای مستقیم میان دولت افغانستان و طالبان تاکید ورزید. 
همچنین وزیر خارجه کشور از اعطای بورسیه‌های تحصیلی از سوی دولت جمهوری اوزبیکستان به‌ویژه در بخش راه آهن ستایش نمود.